Nevers Ikastetxearen funtzionamenduan, Guraso Elkartea atal garrantzitsua da, haren bidez familiek ikastetxeko jardueren garapenean parte hartzen baitute, haien zeregina beren kezkak, ardurak eta proposamenak bideratzea eta gauzatzea izanda. Guraso Elkarteak antolatzen dituen jardueren xedea da irakaskuntzaren kalitatea, ikasleen heziketa eta ikastetxeko bertako langileen garapen pertsonala hobetzea.   

Hauek dira Guraso Elkartearen ekintza nagusiak:

  • Informazioa: Guraso Elkarteak informazio-bideak ezartzen ditu ikastetxearen eta familien artean, horretarako beharrezko baliabideak erabilita. Gaur egun, teknologia berrien alde egiten ari da, komunikabide eraginkorra sortzeko. Informazio hauen gainekoa izaten da: antolakuntza, legeria, ikastaroen garapena eskola-kontseiluaren funtzionamendua, jarduerak…  
  • Prestakuntza: Elkartearen zeregin nagusietako beste bat da  familiei prestakuntza ematea, hezkuntza-irizpideen, seme-alaben eboluzioaren eta ikastetxean zein hezkuntza-etapan oro har garatzen diren proiektuen gainean. Hau da, Guraso Elkarteak ahalegina egiten du aitek eta amek ikasleen heziketarekin loturiko guztian parte har dezaten.  
  • Ordezkaritza: Honako hauetan, esaterako:
    • Ikastetxeko eskola-kontseilua: zentroko partaidetza- eta kudeaketa-organoa.
    • Hiru hilean behineko bilerak zuzendaritzarekin.

Bileretako aktak Educamos plataformako eremu irekian ikus daitezke. Espero dugu bide horrek denon arteko komunikazioa erraztea.  

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies ACEPTAR
Aviso de cookies