Hizkuntzan murgiltzeko 12 eta 14 urte bitarteko ikasleentzako programak, Irlandan eta Frantzian, aukera paregabea dira komunikazio-gaitasuna hobetzeko eta bisitatzen den herrialdeko kultura bertatik bertara ezagutzeko.

Programaren helburu nagusiak hauek dira:

  1. Hizkuntzaren ikaskuntzan komunikazio-mailak sustatzea eta beste kultura baten ezagutza bultzatzea. Helburua linguistikoa eta multikulturala da; ikasleek Europako beste herrialde bateko ikasleekin harremanak izateko konpetentzia egokiak garatu beharko dituzte.  
  2. Ikasleen komunikazio-konpetentzia garatzea, atzerriko hizkuntzaren ulermenari zein adierazpenari dagokienez, gai izan daitezen bizitzako egoeretan bereganaturiko ezagutzak komunikazio-tresna gisa baliatzeko.
  3. Komunikatu ahal izateko hizkuntzaren ezagutzak duen garrantzia balioestea.
  4. Beste hizkuntza eta kultura bat daukaten pertsonekin harremanak izatea, lankidetza- eta tolerantzia-jarrera erakutsita.
  5. IKTak erabiltzea: ikasle-trukeak irauten duen bi ikasturteetan, ikasleak harremanetan egongo dira, posta elektronikoaren, sare sozialen eta ordenagailuko web-kameraren bidez, hizkuntza praktikatzeko eta gehiago ikasteko.  

INGELESA

Lehen Hezkuntzako 6. mailatik DBHko 2. mailara bitarteko ikasleek aukera izan dute, Irlandako hegoaldean (Kilkenny), hizkuntzan murgiltzeko. Ikasleak Irlandako familia banarekin bizi izan dira, eta egunero ingeles-akademia batera joan dira, eskolen dinamikan eta jolas- eta kirol-jardueretan integratuta.   

Esperientzia oso aberasgarria izan da, eta parte hartu duten ikasleek ingelesa (jariotasuna eta ulermena) ez ezik, beste gaitasun batzuk ere hobetu dituzte, zeina oso baliagarria izango zaien beren heziketarako.  

FRANTSESA

Helburua da gure ikasleek edozein komunikazio-egoeratan moldatzen ikastea. Horretarako, ikasle-trukea ezin hobea da, hizkuntzari aurre egin behar izaten baitiote, eta horrela egiaztatzen dute baliagarria dela eta bizirik dagoela.  

Ikasle-trukea honetan datza: ikasle frantsesak astebetez egoten dira gure ikasleen etxeetan, eta gure ikasleak beste horrenbestez ikasle frantsesen etxeetan. Egonaldi horretan, kultur bisitak egiten dituzte, familia hartzailearekin bizi dira eta, noizean behin, eskolako bizimoduan parte hartzen dute.

Jarduera hau DBHn frantsesa ikasten duten ikasleentzat da, eta bi ikasturtean garatzen da.  

2016-2017 ikasturtean, gu izan ginen Frantzian; 2017- 2018 ikasturtean, berriz, frantsesak etorriko dira gurera.

Ikasle-trukea Annecytik gertu dagoen Poisy herriko Poisy ikastetxearekin egiten da. Gure ikastetxeko ikasleak herritik bertatik eta gertuko herrietatik etortzen dira.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies ACEPTAR
Aviso de cookies