Arauek eta mugek funtsezko zeregina dute haurren garapen integralean. Familia gisa, mundua esplora dezaten maitasuna, babesa eta askatasuna eskaini nahi izatea naturala da, baina, era berean, funtsezkoa da segurtasunez, errespetuz eta erantzukizunez hasten lagunduko dieten arau argiak ezartzea.
Zergatik dira garrantzitsuak arauak eta mugak?
Segurtasun emozionala ematen dute: Haurrek haiengandik zer espero den eta beren portaeren mugak zeintzuk diren jakin behar dute. Horrek konfiantza eman eta dauden inguruan seguru sentitzen laguntzen die.
Autonomiaren garapena errazten dute: Kontraesankorra dirudien arren, arau argiak ezartzeak haurrei beren burua arautzen ikasteko eta esparru seguru baten barruan erabakiak hartzeko aukera ematen die.
Errespetua eta bizikidetza sustatzen dituzte: Arauek haurrei besteak errespetatzen, gizartean elkarrekin bizitzen eta beren ekintzek ondorioak dituztela ulertzen irakasten diete.
Helduarorako prestatzen dituzte: Bizi garen gizartea arauetan eta mugetan oinarrituta dago. Txikitatik horiek errespetatzen irakasteak, etorkizunerako prestatzen ditu.
Arauak eta mugak nola ezarri modu eraginkorrean?
Koherentzia eta iraunkortasuna: Arauak argiak eta sendoak izatea garrantzitsua da. Arauak etengabe aldatzen baditugu, haurrak nahastuta sentitu daitezke.
Adinera egokituak: Mugak haur bakoitzaren heldutasunera eta gaitasunera egokitu behar dira, hazteko eta, pixkanaka, ikasteko aukera emanez.
Azalpena eta elkarrizketa: Arauen zergaitia azaldu behar zaie, horiek betetzearen garrantzia ulertu dezaten.
Errefortsu positiboa: Arauak betetzen dituztenean, beraien esfortsua aitortzea eta balioestea oso garrantzitsua da. Helduok haien eredua gara: Haurrek gehiago ikasten dute ikusten dutenagatik, esaten diegunagatik baino. Helduok arauak errespetatzen baditugu, beraiek berdina egingo dute.
Arauen eta malgutasunaren arteko oreka
Nahiz eta mugak ezarri behar izan, une jakin batzuetan malguak izaten jakitea ere garrantzitsua da. Haurrei entzuteak, haien emozioak ulertzeak eta beharrezkoa denean arau batzuk egokitzeak, baloratuak eta ulertuak sentitzen laguntzen die.
Nevers Ikastetxean, familiekin elkarlanean aritzen gara, haurrek arauak beraien ongizaterako tresna gisa erabil ditzaketen ingurune batean hazi daitezen. Eskola eta etxearen arteko lan bateratuak, gure seme-alabak heldu arduratsua, errespetuzkoa eta zoriontsua bihurtzea bermatuko du.
Arauen ezarpenak ez du esan nahi autoritarioak izan behar garenik. Harmoniaz bizitzen ikasteko gida onena eskaini behar diegu. Jarrai dezagun elkarrekin lanean gure haurren heziketan!
